學小提琴學長笛物語<二>

小提琴老師話我今年可以考下級喇。ABRSM 考個試都$970,真係"音樂霸權"!!

相信我的音樂生涯最高峰就係長笛二級同小提琴二級。

學長笛學小提琴物語<一>

小提琴老師話最好都係企o係度拉,因為初學者坐o係度時支弓會成日篤到自己大脾; 長笛老師話唔駛成日企,應該要坐同企都要識 ~

學長笛學小提琴物語＜暴力外傳＞

令我少少勞氣又冇好氣的是，每次我喺屋企拉小提琴時，我老公都會突登問「今晚學小提琴咩？」之後我就會少少惡咁話；「唔。係。呀！」

Guincho a Galera

上星期去了葡京酒店Guincho a Galera(米芝蓮唔知幾多星)食葡國菜，好味同埋好飽。老公比的surprise~ (佢著咗smart causal去,但又要比surprise我冇講dress code比我知,我唔知道,所以著咗運動衫去澳門 XP)

有燒乳豬同埋焗鴨飯。燒乳豬好脆同埋d 薯容好滑好creamy. 焗鴨飯d飯好好味(唔係好記得有咩detail,所以空泛d啦唯有)~

價錢都好米芝蓮..$200一個湯(冇叫到), $499 一個飯..埋單$1xxx...不過真係好好味..老公話年尾有機會再翻兜。

Bolero纏身

小提琴老師: (背景:首歌已經練咗兩個星期 XP) 再練埋D弓法啦,練多一個星期啦
我: 好呀, 你唔駛擔心我唔開心wor, 因為呢D野要慢慢執我明架。因為首Bolero練咗幾個星期,長

笛老師叫我唔好介意練咁多個星期~XD
小提琴老師: 呀,其實我地都可以用小提琴玩下Bolero wor..
我: 下~(內心滴汗)

總結:我真係好驚Bolero呢首歌 XDD

誤殺親夫事件

<誤殺親夫事件>
今日開始我有第三個課外活動<x大職員實用文寫作班>
放學後,去搵情夫三哥見一見面。順便買外賣比老公.

譚仔麻辣湯底辣度分<十小辣><五小辣><三小辣><小辣><中辣><大辣><特辣>。

老公叫新出的糊辣米線, 佢平日食<十小辣>, 但我唔係叫開糊辣, 唔知同麻辣一樣都係分咁多級, 我諗應該冇分咁多級, "老公係想叫<十(加號)小辣>喇。

返到屋企, 老公食啦..食食下佢"紅到面晒", 仲要去廁所拿廁紙抹汗,咁平日佢食少少辣都會出汗...所以我不以為然。

食完十分鐘之後,佢就上床包到自己好似一條臘腸卷咁抽搐...

公"好辣呀"...
婆"你唔係食小辣咩?"
公"!!!!!!"
婆"你個Whatsapp係"加小辣"嘛
公"!!!!"
婆"你果個" 十" 係全型加號呀嘛
公"!! (無力激動) 你而家打個十宇出來"
婆: 咩呀...個十字唔同你打果個架..(已經笑到抽筋)
公"(!!無言...)

之後佢就一直走咗去訓覺...........XD