學小提琴物語: <碎>

學小提琴物語<三> - 粉

幾個星期前考試, 上小提琴老師屋企練考試.

我 "唉呀,上次攞咗個小提琴去澳洲之後,個松香又崩咗...死啦"
Miss: "碎咗仲好, (支弓)會更加上粉"
我 "(跳Tone)咁化妝果D碎粉碎咗先更加上到塊面呀?"
Miss : "但係碎粉本身就碎架la wor"
我 "hahaha...又係wor..老師你答我d問題咁認真既?"
Miss : "因為D細路(學生)成日問問題,我成日要認真答佢地嘛"
我 "! hahahhahaa"

要寫低, 因為我諗起區樂民醫生的一篇關於佢學長笛的文...異曲同弓之妙~

　
http://hkrainbow.com/aulokman/100618.htm

學長笛

「以後逢星期三不來吃晚飯了。」我對母親說。
「為甚麼？」母親問。
「下班後學吹長笛。」我答道。
「那麼忙碌還要學吹笛？」
「正因為忙碌，所以學吹笛，陶冶性情。」我說。
「睡覺不是更能陶冶性情嗎？」母親嘀咕。
第一天上課，但見老師的樣子比我還小十多歲。我微微鞠躬說：「老師好。」
老師即欠身回禮道：「叫我的名字便可以了。」
老師問我有沒有音樂根基，我說根基「豐富」，學過牧童笛、中國笛、結他、口琴、琵琶和鋼琴，但都不成功。
「從這些經驗中，」老師認真地問：「你體會到甚麼？」
「我體會到自己是個屢敗屢戰的人。」我肯定地回答。
老師忍不住笑了。
我有自知之明，如實說：「音樂上，我最大弱點是節奏感弱，學音樂的進程估計很慢，請你保持耐性。」
「這個你大可放心，」老師保證：「教長笛只是我的副業。受了正職的長期訓練，我極有耐性，即使你學得很慢很慢，我也不會發脾氣。」
憂慮解除了，我好奇地問：「你的正職是甚麼？」
「特殊教育，專教智障人士。」老師答道。

原諒我就是這樣的廢太

---又要威又要戴頭盔之事先聲明本blog係輕輕鬆鬆鄧梓峰---

<八月中>

我工作的地方有四層老闆 , AD->PD->AA->EO
今日AD請成個team食飯

食飯時,我叫了牛扒,有配菜若干

AA: Sharon,牛扒好食嘛?
我: 我未食呀, 我食緊D配菜。我習慣係先苦後甜,食咗D配菜先
PD:咁你咪永遠都食唔到最好味的味道囉,永遠都係食最難食的,咁食到最尾一啖咪都係最難食囉?
我: 但營養師話要食菜先,再食飯再食肉(咁先會慢慢飽)
PD: 咁你撻埋營養師,我都冇野好講啦。
我: (Oh no,又好似寸到老細tim)

<今日>
我有一個好同事,次次我去台北都會托我買某牌子的枇杷喉糖,
八月去台北時,買了一1包比PD,因為早幾個月咳時佢比咗一罐喉糖我.

今日PD路經OFFICE
我: PD,你而家返OFFICE自己間房嘛?
PD: 係呀, 咩事
我: -(Present)包糖出來-, 係台北手信呀
PD: 我唔食糖架. (我內心之聲:喉糖唔係無糖架咩),我請同學食啦.
我: (因為顧緊其他工事, 一時分心失手又寸咀了) 上次你請我食嘛,今次還返比你
PD:哦,咁好啦

轉頭,我見到包糖擺咗係office食物的 common area~

---
其實我以前成team食飯時都會講下gag果D, 其後的飯局我都沈默了(勉為其難地up一兩句都會既)

因為原諒我就是這樣的廢太,我不是走溫柔caring路線,別人對我的評價只有極好與極差; 所以由得d talk得幾咀的的人士去令飯局氣氛融洽,而我就規規矩矩乖乖沈默是金吧。這是我的最佳位置!

就好似果粒某牌子的枇杷喉糖, 有人會鐘意食而成日都想食, 有人會千方百計咁送走我~

PS. 又其實如果想送走包糖可唔可以送遠D, HAHAHAHA 

頂你個肺

(除了頂你個肺,我想不到有其他的標題)

為何大陸說批多幾百萬自由行,香港就要配合?香港不能說不?香港不是一國兩制的嗎?

我中學的歷史科比較差,想知道一個地方/城市比人欺負到這樣, 究竟人民是否會逆來順受直到滅亡,定係總會大家團結起來有一天反抗推翻暴政呢?????

我還是天真地深信若香港還有一群有良知的人們...香港總有重光的一天...

人妻三樂坊

(不日更新)

小提琴Grade 2考試:

1)其他Scale開始掌握到,惟獨Bb minor 同 A major 個scale 拉到頭痛, 但都盡力克服中
2)開始聽鋼琴伴奏mp3, 跟住拉的話有兩首成日都甩到飛起
3) 考試時,小提琴老師會為我鋼琴伴奏, 開始有D緊張因為諗起小提琴老師會係第一時間聽到我拉得合唔合格。有人睇住我吹flute/拉violin我會好緊張。
4)Aural & Listening Exam 雖然上年已考過,但係已經唔記得晒。
5)黎緊九月要一個星期上兩堂先得喇

Ukulele
1)雖然報了今個月的course (一個月四堂),冇上三堂,好大機會100%曠課,寧願回家拉小提琴好過。

長笛
1) 我係壞學生~專心小提琴考試中......................
  (所以Ukulele一定要放棄囉)

月餅與獎品

好幾年沒有買傳統月餅了,一來太肥膩, 二來我們二人解決不了一盒四個月餅。
去年得朋友仔幫忙, 第一次嚐到半島奶黃月餅, 不錯不錯。

其實我上星期三有用email訂購半島奶黃月餅的, 不過一天後Gmail彈回一個"delivery failure" message.
不打緊,現在周街都係奶黃月餅, 買了奇華出品的,聊勝於無:(我們兩公婆應該分不清楚半島和奇華出品的分別,不難吃就算了)

其實我走入去奇華,是為了以下的情意結:


小時候都是吃奇華月餅, 縱使後來改了美心月餅,我還是覺得奇華才是正宗.

去年我訂了奧比斯馬仔月餅送給同事,今年財困,所以中秋祝福都是由心中而發的一句"中秋節快樂"算了。買了一盒留念.



上星期五在Citysuper Facebook page參加了Royce 朱古力抽獎, 成為了五十人幸運兒之一, 獲得一盒芝麻曲奇, 收歸"老公home office半夜工作肚餓救援工作"的物資。

不是流的...我以為只是sample一包, 原來是一大盒..

旅行的意義

早幾日收到立山寄返香港的明信片:
老婆: 下次如果同朋友去旅行,搵埋你去啦 :D
老公: 我淨係想同你去旅行咋 (細聲)
老婆: 聽唔到...講多次?
老公: 無野喇~